Il Servizi sociāl

SERVIZIS SOCIÂI

Segretariat Sociâl
Al consist intune ativitât di sportel rivolt a dute la popolazion, che al furnìs lis informazions su lis risorsis e i servizis disponibii, al organize lis rispuestis daûr des domandis fatis, al atue il plan di intervent concuardât cu la persone o il nucli, al indrece viers altris servizis publics o privâts coinvolts.
Servizi di Assistence Domiciliâr e Pascj a Domicili
Il servizi di aiût domiciliâr si articole in:

  • aiût domestic e cure de persone (cure de cjase, lavandarie, spese e riforniments, furnidure di pascj, acompagnament dal utent par esigjencis diviersis, cure e igjen de persone, distrigâ pratichis e control de soministrazion di medisinis prescritis dal miedi )
  • distribuzion di pasts a domicili.

Sostegn e intervents ai minôrs
Al consist intune schirie di intervents articolade in:

  • intervents di caratar preventîf (studi e ricercje par individuâ lis causis dai stâts di bisugne e di emargjinazion - la promozion di ativitâts e iniziativis di agregazion – la individuazion di idoniis struturis di poie a caratar residenziâl);
  • intervents assistenziâi come intervents integratîfs de famee (assistence economiche, assistence abitative, assistence domiciliâr, facilitazions pe fruizion di bande dai minôrs che lis fameis a son in dificoltâts economichis di servizis sociâi come asîi nît, scuelis maternis, semiconvits, centris di riabilitazion; intervents sostitutîfs de famee);
  • afidament eterofamiliâr cul manteniment vuidât dai rapuarts cu la famee di origjin;
  • intervents di inseriment lavoratîf traviers la gjestion di borsis di inseriment lavoratîf pai minôr e fin a rivâ al 21esim an di etât cu la individuazion de sede di lavôr e la elaborazion dal progjet lavoratîf stes cul referent/datôr di vore.

Sostegn economic a singui e nuclis in condizions di bisugne
A son contribûts che il comun al eroghe a personis o fameis che a son in stât di bisugne.
Si assegnin:

  1. a chei che a àn redits che no rivin al minim vitâl;
  2. par spesis straordenaris (spesis scolastichis, abitativis, paiament retis di istitûts, e v.i. );

Par otignî chescj contribûts si à di lâ li dal Ufici Servizis Sociâi, compilâ une domande su modul predisponût, sotscrivile e furnîle de documentazion domandade.
Il Servizi Sociâl, sierade la istrutorie de pratiche, al proviodarà a comunicâ al interessât il gjenar di contribût, la entitât, la decorence e la durade e ancje l’eventuâl no amission par mancjance di recuisîts.

RECUISÎTS: I beneficiaris no àn di vê redit superiôr al minim vitâl, come definît dal Regolament dai contribûts economics dal Ent.
Intervents pe integrazion dai handicapâts
Il Servizi Sociâl par vie dal Ambit Sociâl Sud n. 6.3  al sigure la integrazion des personis handicapadis tal ambient familiâr e sociâl di partignince traviers chescj intervents:

  • prestazions pal jutori socio-assistenziâl scolastic
  • ativitâts integrativis di valence socio-educative tai asîi nît, tes scuelis di ogni ordin e grât, e ancje tal cercin extra scolastic;
  • ativazion e sostegn di modalitâts individuâls di traspuart;
  • servizi di jutori personâl

Il Comun, come chei altris Comuns che a fasin part dal Ambit, al à delegât ae Aziende pai  Servizis Sanitaris n.5 “Basse Furlane” cualchi servizi pai disabii come:

  • centris socio-riabilitatîfs e educatîfs diurnis;
  • soluzions abitativis protetis alternativis ae istituzionalizazion;
  • centris residenziâi par grâfs e gravissims;
  • ativitâts par sigurâ l'inseriment lavoratîf;

permanencis climatichis.
Cercin di aplicazion:
Chest model al pues jessi doprât par inviâ al servizi sociâl cualsisei istance, in assence di modui specifics predisponûts.
ENTS e SOGJETS DI COMPETENCE:

  • ENTS DI COMPETENCE:Comun di Residence
  • UFICI DI COMPETENCE: Servizi Sociâl dal Comun