Residence
Il citadin talian e ancje il citadin forest che al à la proprie dimore abituâl tal Comun di Bicinins al à di domandâ la iscrizion inte Anagrafe de Popolazion Residente, par se e pai eventuâi components dal propri nucli familiâr.
Cui che al gambie residence al à di presentâ ancje denuncie ai fins de aplicazion de tasse par ritirâ i refudums solits urbans al competent Ufici dal Comun.
Pe variazion di residence su la patente di vuide taliane e/o su cjarte di circolazion a coventin i dâts dai documents stes di presentâ tal moment de iscrizion anagrafiche.
Il citadin talian al à di presentâsi al sportel de anagrafe cuntun document di identificazion valit, codiç fiscâl e dâts de patente e numar di targhe dai veicui di ducj i components dal nucli familiâr interessâts al trasferiment.
Pal trasferiment tal forest al covente presentâsi al sportel de anagrafe cun passepuart o altri document valit, codiç fiscâl, certificât di citadinance e documents relatîfs ae famee e dâts de patente e numar di targhe dai veicui.
Il citadin forest al à di presentâ passepuart valit, codiç fiscâl, permès di permanence valit, cjarte di identitât rilassade dal Comun di provenience e dâts de patente e numar di targhe dai veicui.
Pal trasferiment dal forest al à di presentâ passepuart valit, codiç fiscâl, certificâts relatîfs a ogni component de famee, permès di permanence valit par une dade di timp che al permeti la dimore abituâl tal Comun - no son valits i permès di permanence rilassâts par mutîfs turistics - (se cui che al declare al è in possès di un permès di permanence rilassât di une Cuesture divierse, al à di fâlu regolarizâ di chê di Udin) e dâts de patente e numar di targhe dai veicui.