Denuncie di nassite
La declarazion di nassite e pues jessi fate:
a) al Diretôr Sanitari dal Centri di Nassite, dentri di 3 dîs de stesse
b) al Ufici dal Stât Civîl dal Comun li che al è sucedût il part, dentri di 10 dîs de nassite fasint viodi, che no son residents, un document di ricognossiment di ducj i doi gjenitôrs
c) al Ufici dal Stât Civîl dal Comun di residence dai gjenitôrs, cuant che al è diferent di chel dal pont precedent, o de mari, cuant che i gjenitôrs a vedin diviersis residencis, dentri di 10 dîs de nassite. Intal câs la declarazion e pues jessi furnide dome di un dai gjenitôrs fasint viodi un document di identitât valit.
In câs di:
- unions legjitimis (personis sposadis tra lôr): al pues presentâsi indiferentementri un dai doi gjenitôrs o un lôr procuratôr speciâl (cun at di nodâr)
- unions naturâi (personis no sposadis): al à/a àn di presentâsi il/i gjenitôr/s che intint/intindin ricognossi il frutin.
- se un frut al nas muart, o se al nas vîf ma al mûr prin che e sedi declarade la nassite, la relative declarazion e à di sedi furnide dome al uficiâl dal Stât Civîl dal Comun li che al è stât parturît
- la nassite di un frut fi di:
- gjenitôrs forescj residents tal forest e dome domiciliâts in Italie
- gjenitôrs talians cjapâts dentri tal A.I.R.E. - Anagrafe dai Talians Residents tal forest - di un cualsisei comun
e pues jessi furnide dome ai uficis e dentri dai tiermins indicât tai precedents ponts a) e b).