Denuncie di muart
Se il decès al è capitât intune struture ospedaliere, pe declarazion di muart al proviôt il Diretôr de stesse trasmetint al Ufici di Stât Civîl la schede ISTAT e l'aciertament di muart. In câs di muart capitade inte abitazion, la declarazion e je di competence di un dai parincj o di persone convivente cul defont o a di un lôr delegât.
I documents di presentâ a son la schede di muart rilassade dal miedi curant e l'aciertament dal miedi necroscopic.
L'ufici al proviôt a rilassâ il permès di sepulî, a formâ l'at, a inzornâ i dât dal archivi anagrafic, a comunicâ il decès a di un altri Comun (tal câs che il defont nol fos resident a Bicinins).