Fognaduris
Modalitâts esecutivis dai coletôrs di alaçament
I coletôrs di alaçament a àn di sedi a tignude idrauliche in mût di evitâ che a vegnin fûr e si spandin tal teren lis sostancis incuinantis, e lozâts tal esterni dai edificis sierâts.
Par la cuâl i materiâi che a costituissin lis condotis a àn di jessi di gjenar util al fin, tignût cont de nature de aghe di refudum che i àn di sedi introdotis (a son vietadis lis condotis in beton ancje cun anei in gome e rivestiments cun resine).
In particolâr pai trats di coletôr in teren public, sogjets a manutenzion di bande dal Ent, al è obligatori doprâ materiâl che al vedi lis stessis carateristichis di chel doprât pe costruzion dal coletôr recipient.
I coletôrs, li che al è pussibil, a varan di vê pendence che a garantissi la espurgazion automatiche (velocitât di auto espurc 0.6m/s) e percors drets. In corispondence di ogni cambi di pendence, di direzion e ancje in ogni imission o cualsisei altre discontinuitât, a varan di jessi previodudis cjamaretis di ispezion, furnidis di cuviercli e tignude di aghe.
Pai coletôrs che a son sul teren public a varan dut câs di jessi previodudis cjamaretis di ispezion a distance no superiôr a 60 metris fra lôr. I coletôrs di alaçament a varan di jessi di forme circolâr, il diametri nol varà dut câs di jessi mancul di mm. 150.
Se nol fos pussibil garantî la velocitât di auto espurc, a varan di jessi previodûts un o plui ponts di lavade dai coletôrs cun aghe nete, cun pocets di espulsion.