Assegns di maternitāt
Ce sono?
A son jutoris economics finalizâts a aumentâ la popolazion e sostignî la maternitât.
L.R. 4/2001, art.4, come 60. La Direzion Regjonâl e à disponût la concession di beneficis economics pai parts che a son stâts a partî dal 1° di Zenâr dal 2002.
Lis tipologjiis di intervents previodûts a son chestis:
a) assegn di Euro 1.549,37 pe nassite dal prin fi par chês feminis che no beneficin dal tratament previdenziâl di indenitât di maternitât. I recuisîts domandâts par podê beneficiâ dal contribût economic a son chescj:
· citadinance taliane e residence di almancul 12 mês in regjon o partignince a di un nucli familiâr li che almancul un dai gjenitôrs al sedi citadin talian resident di almancul un an in regjon.
· Redit imponibil dal nucli familiâr no superiôr a Euro 25.822,84 tal an precedent a chel de nassite dal fi.
· La mari no à di beneficiâ di trataments previdenziâi di indenitât di maternitât.
b) Assegn di Euro 3.098,74 pe nassite dal secont fi.
c) Assegn di Euro 4.648,11 pe nassite di ogni fi che al ven dopo da secont.
d) Assegn di Euro 5.164,57 par ogni nassût tal câs di part zimulâr.
e) Assegn mensîl par ogni fi che al ven dopo dal secont.
I assegns a tocjin a condizion che:
· Almancul un dai gjenitôrs al sedi citadin talian resident di almancul un an in regjon.
· Il nucli familiâr al sedi costituît di gjenitôrs unîts in matrimoni
· Il nucli familiâr al vedi un redit no inferiôr ae pension minime INPS e no superiôr a Euro 46.481,12
f) assegn par adozion di Euro 3.098,74 che al tocje ai nuclis familiâr li che almancul un dai gjenitôrs al sedi citadin talian resident di almancul un an in regjon, Tal câs di adozion di un frut di etât no superiôr ai 10 agns.
L'assegn al tocje se a son lis condizions di redit minim e massim parsore indicadis.
La domande e à di sedi presentade al Comun di residence dentri di 6 mês de date dal part.
L'assegn al vignarà po dopo erogât dal Comun (finanziament regjonâl) a cui che al risultarà rientrant tal benefici.
Al esist ancje un altri gjenar di finanziament a jutori de maternitât, previodût de Leç 448/98. Si trate in chest câs di finanziaments statâi.
A son previodûts doi gjenars di assegns:
1) Assegn di maternitât art.66 L. 448/98.
2) Assegn pai nuclis familiârs cun almancul trê fîs minôrs art.65 L. 448/98.
1) Assegn di maternitât art.66 L.448/98
L'art.66 de Leç 448/98, modificât de Leç 144/99, al previôt la concession di bande de Aministrazion Statâl di un assegn di maternitât di no plui di Euro 1.291,14, par maris di fruts nassûts, in afidament preadotîf o in adozion cence afidament dal 1°.01.2001.
I recuisîts domandâts par podê beneficiâ dal contribût economic a son chescj:
a) citadinance taliane (o citadinis comunitaris o in possès de cjarte di permanence).
b) Residence tal Comun.
c) Condizions economichis dal nucli familiâr (calcoladis daûr dal D.L. n.109/98 e par chest compostis sedi de situazion dal redit che patrimoniâl) inferiôr a Euro 26.918,15 par un nucli di 3 personis.
d) Son previodûts auments in relazion al numar dai components e ae lôr tipologjie (par esempli assence dal marît, presince di portadôrs di handicap, e v.i.).
e) La mari no à di jessi beneficiarie di trataments previdenziâi di maternitât o pûr chescj trataments a àn di jessi inferiôrs a Euro 1.291,14.
La domande e à di sedi presentade al Comun di residence dentri di 6 mês de date dal part.
L'assegn al vignarà po dopo erogât dal INPS a cui che al risultarà rientrant tal benefici.
2) Assegn ai nuclis - art.66 L. 448/98
L'art.65 de Leç 448/98, modificât de Leç 144/99, al previôt la concession di un assegn pai nuclis familiârs cun almancul 3 fîs minôrs, determinât par l'an 2001 intun impuart di no plui di Euro 1.399,74 par an
f) citadinance taliane
g) Residence tal Comun.
h) Condizioni Condizions economichis dal nucli familiâr (calcoladis daûr dal D.L. n.109/98 e par chest compostis sedi de situazion dal redit che patrimoniâl) inferiôr a Euro 19.381,07 par un nucli di 5 personis.
i) Son previodûts auments in relazion al numar dai components e ae lôr tipologjie (par esempli assence dal marît, presince di portadôrs di handicap, e v.i.).
La domande e à di sedi presentade al Comun di residence dentri dai 31 di Zenâr dal an dopo di chel che si à domandade la prestazion.
L'assegn al vignarà po dopo erogât dal INPS a cui che al risultarà rientrant tal benefici.
Cemût si acedial ai beneficis?
Si à di presentâ domande al Comun di Bicinins.