Assegn di maternitāt

Cu la leç 448/98 a son stâts introdots beneficis par sostignî lis fameis numerosis e la maternitât. L'impuart dal assegn di maternitât cumò al è di Euro 258,23 al mês par cinc mensilitâts (pes nassitis dentri dai 31 di dicembar dal 2001 l'impuart dal assegn al è di Euro 154,940 al mês). Cu la leç finanziarie l'assegn al è stât slargjât dal 1°di Lui dal 2000, ancje a lis feminis residentis comunitaris, extracomunitaris cu la cjarte di permanence e a lis maris che a àn adotât o a àn in afidament preadotîf un frut.
Cui che al pues fâ la domande
La domande e pues jessi presentade des feminis residentis a Bicinins, citadinis talianis o comunitaris o extracomunitaris cu la cjarte di permanence che a àn vût un frut o lu àn adotât ricevût in afidament preadotîf e che a son in possès di chescj recuisîts:

  • No vê cuvierture previdenziâl (duncje jessi femine di cjase o disocupade), o pûr vê une cuvierture previdenziâl di mancul di Euro 154,940 (Euro 258,23 pes nassitis dentri dai 31 di Dicembar dal 2001), in chest câs l'impuart dal assegn al sarà tant che la diference fin a rivâ a Euro 154,940 (Euro 258,23 pes nassitis dentri dai 31 di Dicembar dal 2001);
  • No beneficiâ dal assegn di maternitât di competence dal INPS cun riferiment ai parts, a lis adozions o ai afidaments pre-adotîfs intervignûts po dopo dal 1° di Lui dal 2000 daûr de Leç 488/99;
  • Vê risorsis economichis familiârs, calcoladis daûr dal indicadôr de situazion economiche (ISE) no superiôrs a Euro 26.918,15 (pes  fameis cun plui di 3 components).

Cuant fâ la domande
La domande e à di jessi presentade dentri di 6 mês de date dal part o de date di ingrès dal frut inte famee pai câs di adozion o afidament pre adotîf.
Dulà lâ e ce presentâ
Si à di domandâ al Ufici Servizis Sociâi dal Comun par vê i modei di domande e di declarazion sostitutive de condizion economiche dal nucli familiâr. (disponibii ancje on-line).
Par compilâ la declarazion des condizions economichis dal nucli familiâr daûr dal ISE al covente:
· Codiç fiscâl di ducj i components dal nucli familiâr;
· Valôr dal redit di ognun dai components dal nucli familiâr;
· Consistence dal patrimoni mobiliâr e imobiliâr dal nucli familiâr;
· Categorie catastâl dal imobil a ûs abitatîf dal nucli familiâr.
Cjarte di permanence
Daûr dal art. 9 dal D.Lgs 286/98 (Test unic des disposizions su la dissipline de imigrazion e normis su la condizion dal forest), la cjarte di permanence e je dade fûr de Cuesture, su domande:

  • Al forest (par sè, pal om/femine e pai fîs minôrs convivents) che a son a stâ regolarmentri tal teritori dal Stât di almancul 5 agns, titolâr di un permès di permanence par un mutîf che al permeti un numar di rinovazions no determinât, che al dimostri di vê un redit suficient pal sostentament propri e dai familiârs. La cjarte di permanence e je a timp determinât;
  • Al forest om/femine o fi minôr o gjenitôr convivent di un citadin talian o di citadin di un Stât de Union Europeane resident in Italie.

Notis
Al paiament dal assegn al proviôt l'INPS.

Normis di riferiment