Assegn al nucli familiār

Cu la leç 448/98 (colegade ae finanziarie dal '99) a son stâts introdots beneficis par sostignî lis fameis numerosis e la maternitât. A àn dirit al assegn al nucli familiâr lis fameis cun trê o plui fîs minôr. L'assegn al è un contribût mensîl di Euro 107,67 par tredis mensilitâts.
Cui che al pues fâ la domande
Il recuisît fondamentâl al è chel di jessi citadins talians residents a Bicinins. La domande e pues jessi presentade di un dai doi gjenitôrs di une famee cun almancul trê fîs minôrs, cun risorsis economichis di calcolâ daûr dal indicadôr de situazion economiche (ISE) no superiôrs a Euro 19.381,07 (pes fameis cun 5 components).
Cuant fâ la domande
La domande e pues jessi presentade in cualsisei moment dal an che si domande l'assegn, dentri dai 31 di Zenâr dal an dopo.

Dulà lâ e ce presentâ
Si à di domandâ al Ufici Servizis Sociâi dal Comun par vê i modei di domande e di declarazion sostitutive de condizion economiche dal nucli familiâr.
Par compilâ la declarazion des condizions economichis dal nucli familiâr daûr dal ISE al covente:
· Codiç fiscâl di ducj i components dal nucli familiâr;
· Valôr dal redit di ognun dai components dal nucli familiâr;
· Consistence dal patrimoni mobiliâr e imobiliâr dal nucli familiâr;
· Categorie catastâl dal imobil a ûs abitatîf dal nucli familiâr.

Notis
Al paiament dal assegn al proviôt l'INPS.

Normis di riferiment