Disabilitât

Ce ise la disabilitât?
E je une persone disabile chê che e presente “une minorazion fisiche, psichiche o sensoriâl, stabilizade o progressive, che e je la cause di dificoltât tal aprendiment, di relazion o di integrazion lavorative al pont di determinâ un procediment di disvantaç sociâl o di emargjinazion” (L. 104/92, art.3).

ACIERTAMENTS DA LA DISABILITÂT (L. 104/92)

I aciertaments che a rivuardin la minorazion, lis dificoltâts, lis necessitâts di intervent assistenziâl permanent e la capacitât individuâl residue, come che al è tal art. 3, a son fats da lis Aziendis Sanitariis par mieç des Comissions Medichis che a son integradis di un operadôr sociâl e di un espert in servizi li des Aziendis Sanitariis.

Lis domandis pal aciertament da la disabilitât daûr da la L.104/92 si presentin:
DISTRET SANITARI - Ufici Invalits Civîi dal Distret di --

ACIERTAMENTS DAI STÂTS DI INVALIDITÂT CIVÎL DES CUNDIZIONS VISIVIS E DAI SORT E MUT L.698/94
I aciertaments che a rivuardin chescj gjenars di invaliditât a son fats da lis Aziendis Sanitariis par mieç da la Comission di Prime Istance pal aciertament da la Invaliditât Civîl, la Comission Sorts e Muts e la Comission Vuarps.

LEÇS NAZIONÂLS
L.104 dai 5 di Fevrâr dal 1992 (Suplement ordenari a la "Gazete Uficiâl" n.39 dai 17.02.92 - serie gjenerâl)
Leç cuadri par la assistence, la integrazion sociâl e i dirits des personis disabilis.
L.162/98
Leç che e da fûr contribûts economics ai disabii in cundizion di gravitât, daûr dal art. 3, come 3 da la leç 104
L.68/99 "Normis pal dirit al lavôr dai disabii"

Direzion Internet:

LEGJISLAZION REGJONÂL
L.R. 41 dd 25 di Setembar dal 1996 - Normis par la integrazion dai servizis e dai intervents sociâi e sanitaris a pro des personis disabilis e atuazion da la leç 5 di Fevrâr dal 1992, n. 104.
L.R. 30/95 - Disposizions finanziariis par favorî la atuazion dal Plan Regjonâl, Soci Assistenziâl e integrazions, modifichis a normativis dal setôr.
L.R. 17 dd 27 di Otubar dal 1994 - intervents par la integrazion lavorative des personis disabilis
L.R. 1/98 - Normative in materie di politiche ative dal lavôr, colocament e servizis al implei e ancje normis in materie di formazion professionâl e personâl regjonâl.

Un cuadri legjislatîf complet al è te direzion internet:

http://www.handylex.org/gun/www.regione.fvg.it

Agjevolazions par Lavoradôrs Dipendents (L.104/92, art.33)
La Leç Cuadri, tal art. 33, e stabilìs agjevolazions par i lavoradôrs disabii.
Direzion internet::www.handylex.org/gun/perminps.shtml

Agjevolazions par gjenitôrs di Personis disabilis (Leç dai 8 di Març dal 2000 n. 53 e circolâr INPS 17 di Lui dal 2000 n.133)
Direzion internet: www.handylex.org/gun/

Pratichis pes patentis e agjevolazions fiscâls
direzion internet: www.sanita.fvg.it/cittadino/6/faq/txt5.htm

AUSILIS
Lis prestazions di assistence protesiche a son dadis fûr dentri dal Servizi Sanitari Nazionâl su la base dal DECRET n. 332 dd 27 di Avost dal 1999. A àn
il dirit dutis lis personis aciertadis da la Comission di Prime Istance par la Invaliditât Civîl, da la Comission Sort e Muts, da la Comission Vuarps e i minôrs ancje se no aciertâts.

Il disabil che al à voie di fâ lavôrs par eliminâ lis barieris architetonichis in edifici di sô proprietât al pues domandâ un contribût presentant une domande in cjarte legâl al Comun, dentri dal mês di Fevrâr di ogni an, cun in zonte il certificât che al prove la disabilitât e la descrizion des oparis di realizâ cul relatîf preventîf di spese.

La Aministrazion Comunâl e stabilìs la bisugne contributive di dut il Comun e e presente la domande di contribût a la Regjon, daûr da la L. 13/89, che e proviôt a la assegnazion dai contribûts.  

Contrassegn invalits
Dutis lis personis invalidis cun capacitât deambulatorie ridusude (sedi permanente sedi temporanie) a puedin domandâ che i sedi dât fûr il "contrassegn invalits" a pueste.

Cemût otignî la concession
Si à di:

  • domandâ certificazion mediche a la Aziende pai Servizis Sanitaris di apartignince;
  • presentâ la domande li dal Comant di Polizie Municipâl.

Tal câs di invaliditât permanente, il contrassegn al varà une validitât di cinc agns (la scjadince e je tal contrassegn stes), invezit tal câs di invaliditât temporanie, la date di scjadince e corispuindarà a chê indicade da la certificazion sanitarie.

Cemût doprâ il taiant
Cheste autorizazion e permet aes personis invalidis di:

  • sostâ cu lis veturis tai spazis a pueste segnâts da la segnaletiche orizontâl zale e verticâl (Soste vietade. Soste permetude a lis personis invalidis);
  • transitâ e sostâ tes zonis a trafic limitât;
  • sostâ ancje se e je la soste vietade indicade cun segnâl verticâl o orizontâl a pueste, baste che chest nol costituedi un grâf pericul o un ostacul par la circolazion;
  • sostâ te zonis a soste regolamentade, cence l'oblic di rispietâ i limits temporâi.

Chest contrassegn al è personâl e e al à di jessi doprât dome se la persone invalide e je presinte tal veicul al moment dal ûs.

Intervents par la integrazion dai disabii
Il Servizi Sociâl par mieç dal Ambit Sociâl Sud n. 6.3 al sigure la integrazion des personis disabilis tal ambient familiâr e sociâl di apartignince a traviers di chescj intervents:

  • prestazions che a rivuardin il sostegn soci assistenziâl scolastic;
  • ativitât integrative di valence soci educative tai asîi nît, tes scuelis di ducj i ordins e grât e ancje tal extra scolastic;
  • ativazion e sostegn di modalitâts individuâls di traspuart;
  • servizi di jutori personâl.

Il Comun, come chei altris Comuns che a fasin part dal Ambit, a àn delegât a la Aziende pai Servizis Sanitaris cualchi servizi pai disabii come:

  • centris soci riabilitatîfs e educatîfs diurnis;
  • soluzions abitativis protezudis alternativis a la istituzionalizazion;
  • centris residenziâi par grâfs e une vore grâfs;
  • ativitâts diretis a sigurâ l'inseriment lavoratîf;
  • permanencis climatichis.

Intervents daûr da la Leç 162/1998
La leç 162/98 e permet di vê contribûts, su la fonde di un progjet personalizât predefinît dal interessât, cun chê di rivâ a un nivel di vite plui indipendent, su la base di une disabilitât grave o une vore grave. Disabilitât aciertade daûr da la Leç 104/92 e e je ricognossude doprant il stes modul previodût pal ricognossiment da la invaliditât civîl.

Competencis:

·                     UFICI COMPETENT A LA PRATICHE:
AMBIT SOCI ASSISTENZIÂL in colaborazion cun A.S.S. - Servizi di Scuadre multidissiplinâr pe disabilitât.

·                    UFICIS CHE A RICEVIN LA DOCUMENTAZION:
Servizi soci assistenziâl dal Comun di residence.

Documentazion:

Domande di Assistence personâl.

Intervents par la integrazion dai disabii

Il Servizi Sociâl par mieç dal Ambit Sociâl al sigure la integrazion des personis disabilis tal ambient familiâr e sociâl di apartignince par mieç di chescj intervents:

  • prestazions che a rivuardin il sostegn soci assistenziâl scolastic;
  • ativitât integrative di valence soci educative tai asîi nît, tes scuelis di ducj i ordins e grâts e ancje tal setôr extra scolastic;
  • ativazion e sostegn di modalitâts individuâls di traspuart;
  • servizi di jutori personâl.

 Il Comun, come chei altris Comuns che a fasin part dal Ambit, a àn delegât a la Aziende pai Servizis Sanitaris n. 6 "Friûl Ocidentâl" cualchi servizi pai disabii come:

  • centris soci riabilitatîfs e educatîfs diurnis;
  • soluzions abitativis protezudis alternativis a la istituzionalizazion;
  • centris residenziâi par grâfs e une vore grâfs;
  • ativitâts diretis a sigurâ l'inseriment lavoratîf;
  • permanencis climatichis.

ASSEGN DI CURE E ASSISTENCE (ART. 32 L.R.10/98)
Chest istitût al è une incentivazion economiche finalizade a promovi la permanence tal nucli familiâr o ben tal ambient di apartignince di sogjets vecjos e grancj, no autosuficients o cun autosuficience residue ridusude, cun pericul declarât di istituzionalizazion. Par vê plui informazions a rivuart, si mande a la vôs "Anzians".