Assegn al nucli familiâr

Cu la leç 448/98 (leade a la finanziarie dal '99) al è stât introdusût cualchi benefici, diret a sostignî  lis fameis numerosis e lis maternitâts. A àn dirit al assegn al nucli familiâr lis fameis cun trê o plui fîs minôrs. L'assegn al consist intun contribût mensîl di Euro 107,67 par tredis mensilitâts.

 

Cui puedial fâ la domande

Il recuisît fondamentâl al è chel di jessi citadins talians che a son a stâ a Bicinins. La domande e pues jessi presentade di un dai doi gjenitôrs di une famee cun almancul trê fîs minôrs, in possès di risorsis economichis di calcolâ daûr dal indicadôr da la situazion economiche (ISE) che no àn di passâ i 19.381,07 € (pes fameis cun 5 components).

Cuant si à di fâ la domande
Si pues presentâ la domande in cualsisedi moment dal an par l’an cuant che si domande l'assegn, dentri dai 31 di Zenâr dal an dopo.

            Dulà lâ e ce che si à di presentâ
Si à di indreçâsi al Ufici Servizis Sociâi dal Comun par vê i modei di domande e di declarazion sostitutive da la cundizion economiche dal nucli familiâr.
Par la compilazion da la declarazion des cundizions economichis dal nucli familiâr daûr dal ISE al covente:
· codiç fiscâl di ducj i components dal nucli familiâr;
· totâl dal redit di ognidun dai components dal nucli familiâr;
· consistence dal patrimoni mobiliâr e imobiliâr dal nucli familiâr;
· categorie dal catastic dal imobil che al è al ûs abitatîf dal nucli familiâr.

Notis
Al paiament dal assegn e previôt l’INPS.