PASSEPUART ORDENARI ELETRONIC INDIVIDUÂL CUN FIRME E IMPRONTIS DIGJITÂLS
disposizions in vore dai 10 di Jugn dal 2010

     Al è dât fûr da la Cuesture dentri di cuindis dîs

VALIDITÂT

  • Passepuart pai minôrs di etât inferiôr ai 3 agns: VALIDITÂT TRIENÂL;
  • Passepuart pai minôrs di etât di 3 a 18 agns: VALIDITÂT CUINCUENÂL;
  • Passepuart pes personis di maiôr etât: VALIDITÂT DECENÂL.

I FÎS MINÔRS no puedin plui jessi iscrits tai passepuarts dai gjenitôrs ma a àn di jessi furnîts di passepuart individuâl.

Cui che lu domande al à di presentâsi di persone ai funzionaris assegnâts da la Cuesture di Udin che a àn di acuisî in maniere direte la firme e lis improntis digjitâls. L’ufici demografic dal Comun al è simpri a disposizion dal utent par autenticâ fotografiis, firmis e par altris sclariments.

Par chei che a àn mancul di 12 agns no je previodude la acuisizion des improntis digjitâls e da la firme e duncje lis istancis a puedin jessi mandadis ancjemò par mieç dal Comun.

L’ufici passepuarts da la Cuesture di Udin al è in viâl Vignesie n. 31/33 e al è viert in chestis zornadis: LUNIS – MIERCUS – VINARS des 8.30 aes 12.00.
La direzion dal sît da la Cuesture di Udin al  è:http://questure.poliziadistato.it/Udine

 

LISTE DAI DOCUMENTS PAR VÊ IL PASSEPUART ELETRONICO ORDENARI

1.      Domande in cjarte semplice su model 308 a pueste, che si pues cjatâ ancje sul sît da la Polizie di Stât te direzion http://www.poliziadistato.it/pds/file/files/passaporto2.pdf.
2.      Dôs fotografiis (462 KB) compagnis e a colôrs, fatis di recent, in formât di tessare cun sfont clâr, largje di 35 mm a 40 mm, cu la imagjin de muse frontâl cence cjavei che a cuvierzedin la muse stesse che e varà di ocupâ il 70-80% da la fotografie e la bocje sierade; se a son i ocjai lis lints a àn di jessi claris e i voi ben visibii. Si à di presentâ lis fotografiis di persone li dal ufici che lis ricêf par la legalizazion o ben, se consegnadis di une persone diferente di cui che al fâs domande, une fotografie e à di jessi autenticade in Comun.
3.      Ricevude di viersament di €. 42,50 pal passepuart di 48 pagjinis, sul c/c postâl N. 67422808 a pro dal “Ministeri da la economie e des Financis – Dipartiment dal Tesaur” – cun causâl pal cost dal libret pe concession dal passepuart eletronic.
4.      La marche aministrative pai passepuarts di € 40,29=,e je indispensabile tant che tasse di dâ al at di consegne dal passepuart, ma no je plui obligatorie par circolâ tai Paîs da la UNION EUROPEANE.
5.      Tal câs di personis di etât maiôr che a àn fiis di etât minôr dut câs alè necessari otignî l’assens di chel altri gjenitôr che lu firmarà sul model 308, cun firme autenticade di un funzionari comunâl o da la Cuesture, o ben zontant une fotocopie di un document di identitât in cors di validitât; tal câs che nol sedi l’assens di un dai gjenitôrs e covente la autorizazion dal Judiç tutelâr competent. Il gjenitôr che al à la patrie potestât esclusive (p.e. vedul/vedue) nol à bisugne di altris ats di assens.
6.      Par chei che a àn mancul di 18 agns e covente la firme di assens al espatri di cui che al esercite la patrie potestât. Si à di autenticâ lis firmis cu lis modalitâts che a son tal pont 5.
7.       Cui che al à mancul di 14 agns al à di viazâ acompagnât; tal câs che e sedi une persone diferente dai gjenitôrs al varà di jessi compilât suntun model a pueste dulà che e je indicade la persone che e fâs di acompagnadôr e firmât dai gjenitôrs e dal afidatari; firmis autenticadis cu lis modalitâts che a son tal pont 5.
8.      Passepuart precedent (domandâ eventualmentri su model 308 la restituzion) o copie da la denunzie di robarie o smariment.
9.      Par cambiâ la residence sul passepuart, si à di presentâ il model 308 daûr des modalitâts che a son tal pont 1.

PASSEPUART TEMPORANI

Tai câs documentâts in maniere oportune di impussibilitât temporanie di fâsi rilevâ lis improntis digjitâls (par esempli: fraturis o feridis a ducj i doi i arts superiôrs) e in ducj chei altris câs dulà che a sussistin elements dimostrâts di bisugne e urgjence che no permetin di dâ fûr un passepuart ordenari, si pues ancje domandâ un passepuart temporani che al à une VALIDITÂT RIDUSUDE A PÂR O INFERIÔR DI DODIS MÊS, che al à carateristichis di sigurece semplificadis (nol à il microchip) e che al podarà jessi dât fûr dome tal câs di emergjence (Decret dal Ministero degli Affari Esteri n.303/014 dd. 23.06.2009 art.3 c. 6).