Residence

Il citadin talian, ma ancje chel forest che al à la sô dimore abituâl tal Comun di Bicinins, al à di domandâ la iscrizion te Anagrafe da la Popolazion Residente, par lui e par i eventuâi components dal so nucli familiâr.

Cui che al cambie residence al à di presentâ la denunzie ancje al Ufici dal Comune competent par podê aplicâ la tasse par ritirâ lis scovacis.

Par la variazion di residence su la patente di vuide taliane e/o su cjartis di circolazion a coventin i riferiments di chescj document che si àn di presentâ tal moment da la iscrizion anagrafiche.

Il citadin talian al à di presentâsi li dal sportel de anagrafe cuntun document di identificazion valit, codiç fiscâl e riferiment da la patente e numar di targhe dai veicui di ducj i components dal nucli familiâr interessâts al trasferiment.

Par trasferîsi tal forest si à di presentâsi li dal sportel da la anagrafe cul passepuart o un altri document valit, codiç fiscâl, certificât di citadinance e documents relatîfs a la famee e riferiments da la patente e numar di targhe dai veicui.

Il citadin forest al à di presentâ passepuart valit, codiç fiscâl, permès di permanence valit, cjarte di identitât dade fûr dal Comun di divignince e riferiments de patente e numar di targhe dai veicui.

Par trasferîsi dal forest si à di presentâ passepuart valit, codiç fiscâl, certificâts relatîfs a ogni component da la famee, permès di permanence valit par un periodi che al permetedi la dimore abituâl tal Comun - no son valits i permès di permanence dâts fûr par finalitât di turisim - (se il declarant al è in possès di un permès di permanence dât fûr di une Cuesture diferente, al à di fâlu regolarizâ di chê di Udin) e riferiments da la patente e numar di targhe dai veicui.