Denuncie di nassite

La declarazion di nassite e pues jessi presentade:

a) al Diretôr Sanitari dal Centri di Nassite, dentri di trê dîs da la stesse;

b) al Ufici dal Stât Civîl dal Comun dal teritori dulà che al è stât il part, dentri di 10 dîs da la nassite dulà che chei che no son residents a àn di mostrâ un document di ricognossiment di ducj i doi i gjenitôrs;

c) al Ufici dal Stât Civîl dal Comun di residence dai gjenitôrs, cuant che al è diferent di chel che al è tal pont di prime, o da la mari, cuant che i gjenitôrs a vedin residencis diferentis, dentri di 10 dîs da la nassite. In chest câs la declarazion e pues jessi fate dome di un gjenitôr mostrant un document di identitât valit.

 

Tal câs di:

- unions legjitimis (personis maridadis tra di lôr): al pues presentâsi in maniere indistinte un cualsisedi dai gjenitôrs o un lôr procuradôr speciâl (cun at di nodâr);

- unions naturâls (personis no coniugadis): al à/a àn di presentâsi il/i gjenitôr/s che al à/a àn la intenzion di ricognossi il frutin;

- un frut che al nas muart, o se al nas vîf ma al mûr prime che e sedi stade declarade la nassite, la relative declarazion e à di jessi rindude dome al uficiâl dal Stât Civîl dal Comun dal teritori dulà che al è stât il part.

La nassite di un frut fi di:

- gjenitôrs forescj residents fûr e dome domiciliâts in Italie

- gjenitôrs talians iscrits tal A.I.R.E. - Anagrafe dai Talians Residents tal Forest -

di un cualsisedi comun e pues jessi fate dome ai uficis e dentri dai tiermins indicâts tai ponts a) e b) di prime.