Gnocis

Cui che al à intenzion di maridâsi al à di indreçâsi diretementri al Ufici Demografic par ricevi ducj i sclariments a rivuart.

Si à di domandâ la publicazion al Comun dulà che i nuviçs (o dome un di lôr) a vedin la residence. Lôr, daspò di vê consegnât la istance che e covente, si presentaran al ufici, daspò di vê fissât un apontament, daspò dai aciertaments che a coventin fats dal Uficiâl dal Stât Civîl.

Cuant che si firmin lis publicazions, i nuviçs a puedin domandâ di vê il libret di famee internazionâl che i sarà dât fûr a la fin des gnocis civîls.

L’at di publicazion al reste picjât tal Cuadri Pretori almancul par vot dîs. Lis gnocis no si puedin celebrâ prime de cuarte zornade daspò di vê fat la publicazion e dut câs no dopo dai 180 dîs seguitîfs.

Lis gnocis civîls si celebrin tal Comun dulà che e je stade fate domande di publicazion; però si pues maridâsi intun altri Comun presentant la deleghe dade fûr dal Ufici Publicazions dal Comun dulà che si varès vût di celebrâ lis gnocis.

Prin di dut i nuviçs a àn di fissâ l'apontament pe celebrazion dal rît e a puedin fâlu sedi al moment da la firme des publicazions sedi intun secont timp, e precisementri dentri di sîs mês, ven a stâi dentri da la fin di validitât des publicazions stessis. Tal stes timp a àn di segnalâ al ufici la sielte dal regjim patrimoniâl (comunion o separazion dai bens).

Te zornade e te ore fissade i nuviçs a van tal puest dulà che si fasarà la cerimonie acompagnâts di doi testemonis maiôrs di etât, ancje parincj. Ducj a àn di jessi furnîts di document di identificazion valit. L'Uficiâl dal Stât Civîl al leç i articui dal Codiç Civîl (143, 144 e 147) e al domande ai nuviçs di esprimi la lôr volontât di unîsi tes gnocis. Daspò de rispueste afermative, il Sindic o il so delegât al leç l'at di gnocis e lu fâs sotscrivi ai nuviçs e ai testemonis.