Ufici eletorâl

La tessare eletorâl e je dade fûr dal Comun di residence te ocasion des revisions eletorâls (Zenâr - Lui) par trasferiment di residence, par acuisizion da la citadinance taliane, par riacuisizion des capacitâts eletorâls e par prime iscrizion tes listis eletorâls par vê finît i 18 agns di etât. Tal câs di smariment, l'eletôr al fasarà la denunzie e la sucessive domande di duplicât li dal ufici eletorâl.

 

Tabele Presidents di seç L'eletôr, dentri dal mês di Otubar di ogni an, al presente la domande, in cjarte semplice, di iscrizion te Tabele dai Presidents di seç al ufici eletorâl.

Dentri dal seguitîf mês di Zenâr, l'Uficiâl Eletorâl verificâts i recuisîts, al proviôt a meti dentri il nominatîf te tabele. Cuant che a son lis consultazions eletorâls, lis nominis dai Presidents tai seçs eletorâi a son fatis cun Decret dal President da la Cort di Apel di Triest dentri dai 30 dîs prime da la date da la consultazion stesse.

Recuisîts che si domandin: 1. jessi eletôrs - 2. jessi in possès dal titul di studi di scuele medie superiôr.

 

Cuadri scrutinadôrs

L'eletôr, dentri dal mês di Novembar, al presente la domande, in cjarte semplice, di iscrizion te tabele dai scrutinadôrs al Ufici eletorâl. L'Uficiâl Eletorâl, verificâts i recuisîts, al proviôt a meti dentri il nominatîf cuant che al inzorne la Tabele dentri dai 31 di Zenâr di ogni an.

I recuisîts che si domandin a son: 1. jessi eletôrs - 2. jessi in possès dal titul di studi di scuele dal oblic.